5.5.8 Faaaogaina Saogalemu o le Initaneti – Tulafono a le Pulega mo Fanau Aoga

Faaaogaina Saogalemu o le Initaneti – Tulafono a le Pulega mo Fanau Aoga

i. O Sini ma Faamoemoega o le Saogalemu o le Initaneti.

  1. E saunia e le itumalo o Aoga Tuufaatasi o San Francisco masini komepiuta, o polokalame o komepiuta ma auaunaga faaleinitaneti mo fanau aoga mo le mafuaaga patino ma le tatau o le ausiaina o sini a le Itumalo ma faataunuuina ona fuafuaga faaleaoaoga. E iai le aia tatau a le Itumalo e faataatitia ai tapu i le faaaogaina, ina ia mautinoa ai o loo faaaogaina tatau polokalame mo mafuaaga faaleaoaoga.

ii. Tuutuuga ma Tulafono mo le Faaaogaina

  1. E tatau e fanau aoga uma e faaaogaina polokalame mo fesootaiga, ona usitaia aiaiga a le Pulega, pe fesootai foi ma aiaiga a le Itumalo ma le aoga, ma le tulafono o fono aoai ua faatulagaina e le Tusitaulima a Fanau Aoga ma Aiga. O le faagasologa o aia o soo se tagata e faaaogaina, o le a faaaloaloina pe a iai se masalosaloga ua iai se faaaogaina le talafeagai o polokalame initaneti a le Itumalo.
  2. O le maua e fanau aoga faatonuga mo le faaaogaina o le Initaneti a le Itumalo, e faatatau i le saogalemu, aga talafeagai, faaletulafono, ma le tiute tauave o le faaaogaina tatau o Polokalame Initaneti a le Itumalo ma o latou aia tatau ma tiute tauave, e tusa ai ma Aiaiga a le Pulega.

iii. Faaaogaina e Le Taliaina

O gaioiga nei e matua le faatagaina ona faia e fanau aoga o le SFUSD e tagata e faaaogaina komepiuta a le Itumalo e aofia ai fanau aoga. O tagata e faaaogaina masini komepiuta a le Itumalo, e le tatau ona faia, faasoa, mauaina, faaaoga pe sefeina faamaumauga pe auai foi i soo se gaioiga i luga o masini komepiuta a le Itumalo, polokalame faakomepiuta ma auaunaga faaleinitaneti e aofia ai tulaga nei:

  1. E le faatagaina e Tulafono poo aiaiga a le malo o Amerika. E aofia ai le auai i tulaga faasolitulafono o le faaaogaina o komepiuta e mauaina ai faamaumauga le faatagaina.
    Faamatalaga ua puletaofia, faamatalaga taufaamatau pe le talafeagai, poo faamatalaga o tulafono o fefaatauaiga faalilolilo, tulafaono a le itumalo poo le aoga;
  2. E mataga, ponokalafi, feusuaiga manino, faaleagaina e pei ona faauigaina e le vaega (a) Tulafono o Faasalaga Vaega 313, poo le afaina ai o fanau laiti e pei ona faauigaina i le Tulafono o le Puipuiga o Fanau mai le Initaneti (CIPA P.L 106-554 – Autu XVII – Vaega 1703[1]).
  3. O le saua faaleinitaneti e aofia ai, ae le gata ai, le faasalalau o fesootaiga poo le tusiaina o feau faatiga, taufaamatau tuusao poo isi feau tusitusia, leo poo ata taufaaleaga i luga o le initaneti, upega taifailagi, poo isi auala faatekonolosi e faaaoga ai telefoni, masini komepiuta poo soo se masini o fesootaiga feaveai. E aofia foi i le saua faaleinitaneti le talepe poo le faaaogaina faasolitulafono o tuatusi faaeletoroni ma faoa le faasinomaga o se isi tagata, ma le faamoemoe e faaleaga le igoa tauleleia o lena tagata.
  4. O le a tali atu le itumalo poo le tagata lea e totasi i le solitulafono, agaifanua poo noataga o lona faaaogaina, gaosiaina, ulufale poo le teuina (faataitaiga: faitogafiti, taufaaleaga, faailogalanu, pe faaleaga ai isi, faavae i luga o faavasegaga puipuia, aofia ai ma le solitulafono faalefeusuaiga, ma isi mea faapena)
  5. Soli tulafono o le puletaofia
  6. Faatagaina tagata e faaaogaina le initaneti e maua faamaumauga e le faatagaina ona latou vaai iai.
  7. Faatagataina se isi tagata e aunoa ma se faatagaga, e vaai ma faaaoga faamaumauga e agatapuia o loo i totonu o faila o masini komepiuta a le itumalo poo soo se polokalame o fesootaiga, upega tafailagi poo se faila;
  8. Tuu atu ma le loto i ai poo le faatamala upu nana poo numera o teugatupe poo tuatusi i soo se isi tagata e leai se faatagaga e vaai ai i upu nana poo numera o tuatusi.
  9. Faailoa atu faamaumauga o fanau laiti, ma soli ai le tulafono a le Pulega, tulafono a le itumalo, setete ma le malo;
  10. Faaaogaina o masini komepiuta a le Itumalo mo gaioiga faapisini a le tagata lava ia.
  11. Faaleaogaina polokalame mo le Puipuiga o le Tekonolosi (e pei o le poloka ma le faamama o polokalame faakomepiuta), e solia ai le Aiaiga a le Pulega.

iv. Tulafono o le Puipuiga o Fanau mai le Initaneti

  1. O le usitaia o le Tulafono o le Puipuiga o Fanau mai le Initaneti (CIPA P.L. 106-554, Autu XVII, Vaega 1702, et seq., (“CIPA”)), e tausia ai e le itumalo Auala o Puipuiga e faaaoga e le Initaneti a le Itumalo. Ua tuufaatasia le Auala mo Puipuiga a le Initaneti e puipui mai ai fanau mai vaaiga mataga, ponokalafi i fanau, ma soo se faamatalaga e leaga mo fanau laiti, e pei ona faauigaina e le Tulafono o le Puipuiga o Fanau mai le Initaneti (“CIPA”).[2]
  2. E mafai ona faaleaogaina Auala o Puipuiga Faatekonolosi i soo se taimi, e se sui o le pulega poo se taitai mo le faaaogaina e se tagata matua mo le faataunuuina o suesuega aoga poo isi mafuaaga faaletulafono.
  3. E le tatau ona faaleaogaina Auala o Puipuiga Faatekonolosi i soo se taimi e faaaoga ai e fanau aoga le Initaneti a le Itumalo, pe afai o le a taofia ai le puipuia o le faaaogaina o faamatalaga e tapu i le Tulafono o le Puipuiga o Fanau mai le Initaneti.
  4. E tumau le faatonutonuina e le Itumalo o filifiliga faia o le talafeagai o faamatalaga e faaaogaina e fanau aoga i taimi uma.
  5. O le a faamautinoa e le Itumalo le le aveesea poo le le faasaina e le Auala o Puipuiga Faatekonolosi o le faaaogaina e faiaoga poo fanau aoga o a latou aia tatau e faaaogaina ai polokalame faaleaoaoga. O le a tatalaina e le Itumalo upega tafailagi e ono le talafeagai lona polokaina e le Auala o Puipuiga Faatekolosi.
  6. E tatau e soo se fanau aoga e talitonu ua polokaina e le Auala o Puipuiga Faaletekolosi ni faamatalaga o loo latou saili, ona faafesootai lona faiaoga. O le a iloilo e le Vaega o Faufautua o Faatonuga Faaletekonolosi (ITAG) lenei tagi ma faia se fuafuaga i le taimi tatau pe a talafeagai.

v. Vaavaaia ma le Mataituina

  1. O le a vaavaaia ma mataituina e faiaoga le faaogaina o polokalame i luga o masini komepiuta ma le initaneti, i tulaga talafeagai ma tausaga o le tamaitiiti ma le o gatasi o le faaaogaina ma Tulafono a le Matagaluega, Aiaiga a le Pulega o le Itumalo, Tulafono mo le Puipuiga o Fanau mai le Initaneti ma isi tulaga faalemalo, setete ma tulafono ma aiaiga a le lotoifale.
  2. O le a mataituina e le Itumalo le faaaogaina o le Initaneti e ala i le faaaogaina o se polokalame e auiliili ai le faaaogaina o le Initaneti.

vi. Mataupu Le Talafeagai

Faatasi ai ma le faaaogaina o Auala o Puipuiga Faaletekolosi, o le a iloilo e le Vaega Faufautua mo Faatonuga Faaletekonolosi gaioiga ma le faagasologa e mautinoa ai le faaauau pea le gauai o fanau aoga i le tausiaina o Tulafono mo le Saogalemu o le faaaogaina o le Initaneti ma mautinoa le polokaina o faamatalaga le talafeagai.

vii. Faaaogaina o Potuaoga

O faamatalaga o loo maua i luga o masini komepiuta, o polokalame o le komepiuta ma le Initaneti, e faaaogaina i totonu o le potuaoga, e tatau ona o gatasi ma tulafono a le Matagaluega ma faatulanaga a le Itumalo e pulea ai le filifiliina o faamatalaga mo faatonuga. O le faamoemoega mo faiaoga, o le faaaogaina lea o vaega o le potu aoga, ma tuu atu meaaoga e talafeagai ma tausaga o le fanau aoga ma tatau mo le faamoemoega o le vasega, faaataata faamatalaga o le a faailoa atu i fanau aoga, taitai fanau i aua talafeagai e saili/suesue ai faamatalaga mo gaioiga, ma fesoasoani ina ia aoao auala e auiliili ai le moni o nei faamatalaga. O le a saunia e le aufaigaluega taiala talafeagai e atinae ai le faaaogaina o auala o fesootaiga ma punaoa o faamatalaga faaletekonolosi. O le a faailoa atu e le aufaigaluega tiute tauave o e faaaogaina masini komepiuta a le Itumalo, upega tafailagi ma auaunaga a le initaneti. O le tiute o fanau aoga le usitaia o tulafono uma a le aoga e aofia ai ma tulafono o le faaaogaina o komepiuta a le Itumalo ma auaunaga uma o komepiuta. O le a faamautinoa e le pulega ma faiaoga le vaavaaia ma maituina lelei o le faaaogaina talafeagai o komepiuta. E ui i lea, o le a le mautinoa le vaavaaia atoatoa o tamaitiiti taitoatasi i taimi uma.

viii. Faamoemoega o le Tumaoti

  1. O le Itumalo, o le pule lea o masini ma polokalame faakomepiuta talafeagai ma faataatitia aia tatau e iloilo ma faatino ai lana pulega i soo se taimi, e ala i le sailiina o polokalame ma masini mo soo se faamatalaga o loo iai. E leai se faamoemoega o aia tumaoti o e faaaogaina le polokalame o upega tafailagi. E faaleoleo e le Itumalo aia tatau e iloilo, kopi, suia, tape poo le faailoa atu i isi soo se faamatalaga e fausia, sefeina poo le faaaogaina e soo se tuatusi e faaaogaina, ma mataitu, iloilo ma siaki soo se faila i luga o le komepiuta. O faila e lavea i nei aiaiga, e tumau pea i totonu o soo se faila poo se polokalame imeli, o galuega faalekomepiuta, ala o faasalalauga faaleoleo, ala o faasalalau e fesuiai, ripine pueina poo soo se faila e ono sefe ai ni faamaumauga e i luga o polokalame a le Itumalo, e mafai ai ona iloa tulaga patino o le faaaoga le talafeagai o upega tafailagi. E leai ni faamoemoega tumaoti o e faaaogaina, i aano o a latou faila ma faamaumau o loo sefeina i luga o polokalame a le Itumalo poo a latou gaioiga uma i luga o le initaneti, o loo sefeina i luga o polokalame a le Itumalo, ao latou faaaogaina nei polokalame.
  2. E mafai e le Itumalo ona faataunuuina suesuega i masini/ala faasalalau a le Itumalo e faaaogaina e fanau aoga. O se isi o aiaiga o le faaaogaina o masini faatekonolosi a le itumalo, na malilie ai fanau aoga ma matua i nei tulaga o le suesueina ma le mataituina o polokalame a le Itumalo.

ix. Ala Faasalalau Faaleeletise

  1. Emeli a le fanau aoga: E saunia mo le tamaitiiti aoga se tuatusi imeli a le Itumalo, poo se tuatusi e laugatasi ai ma ana vasega, mo le faaaogaina i faatonuga poo le faaaogaina o tuatusi faaletagata lava ia mai i isi vaega e le auai i le polokalame a le Itumalo. O le a mataituina talafeagai le faaaaogaina o nei imeli e le aufaigaluega.
  2. E le tatau i fanau aoga ona auai i soo se gaioiga solitulafono e pei o nei:
    • E le tatau ona taumafai le fanau aoga e maua se faatanaga le tatau e faaaoga ai polokalame Initaneti a le Itumalo poo soo se isi polokalame faakomepiuta e ala atu i le polokalame a le Itumalo, poo nisi tulaga i tua atu o le faaaogaina e aunoa ma se faatanaga faaamaonia. E aofia ai le faaaogaina o tuatusi a se isi tagata, poo le faaaogaina faagaoi o faila a se isi tagata.
    • E le tatau e fanau aoga ona taumafai e faalavelaveina faatinoga a le polokalame faalekomepiuta poo le faaleaga o faamaumauga e ala i le faasalalauina o se vairasi faalekomepiuta e soo lava se auala.
    • E le tatau i fanau aoga ona faaaoga polokalame Initaneti a le Itumalo, e auai ai i ni gaioiga faasolitulafono, e pei o le fuafuaina ai o le fefaatauaiga o fualaau faasaina poo le faatau ai o ava malosi, auai i gaioiga faalevaega, faamatau le saogalemu o se isi tagata, ma isi.
  3. E tatau i fanau aoga uma ona utagia Uiga Faaalia nei i le faaaogaina o le Initaneti:
    • O tapu i le faaaogaina o gagana le talafeagai, e faaaogaina foi i soo se fesootaiga i luga o le polokalame Initaneti a le Itumalo, e aofia ai feau tusitusia lautele, feau tusitusia tumaoti, ma isi faamatalaga tusitusia i luga o upega tafailagi.
    • E le faatagaina fanau aoga ona faaaoga gagana mataga, masoa, le mafaufau, le migao, taufaaleaga, taufaamatau poo le le faaaloalo.
    • E le faatagaina fanau aoga ona tusitusia faamatalaga a faatino, e tutupu ai faalavelave, o se faafitauli ma le le saogalemu.
    • E le faatagaina fanau aoga ona auai i ni osofaiga patino, e aofia ai le faailogalanu poo osofaiga faailoga tagata.
    • E le faatagaina fanau aoga ona saua i isi tagata. O le saua, o le faatinoina le o uiga faamafatia ma faatiga ai i se isi tagata. Afai e taofi mai e se isi tagata nei uiga faapenei, e tatau loa ona taofi.
    • E le faatagain fanau aoga ona tusitusia ma lona iloa poo le faatamala foi, ni faamatalaga pepelo ma le taufaaleaga e uiga i se tagata poo se faalapotopotoga.
    • E le faatagaina se fanau aoga on lafo atu se feau tusitusia sa lafoina mai e patino lava ia te ia, e aunoa ma se faatanaga mai le tagata sa lafoina mai lea feau tusitusia.
    • E le faatagaina fanau aoga ona faasoa atu soo se faamatalaga patino ia i latou poo isi e aunoa ma se faatanaga tusitusia mai i matua/tausi fanau o nei fanau aoga, ma faatumu lea faatanaga, faatasi ma le faiaoga.

x. Potu Talanoa

O le a puleaina e le Itumalo le faaaogaina o potu talanoa i taimi uma. E le faatagaina se fanau aoga ona faaaogaina potu talanoa e aunoa ma se faatanaga mai le faiaoga.

xi. Puipuiga o le Polokalame

  1. O le tiute tauave o fanau aoga uma le faaaogaina o tuatusi a le tagata lava ia ma faaaoga tulaga uma o le puipuiga mai i le faaaogaina e isi o a latou tuatusi, e aofia ai le puipuiga o a latou upu nana.
  2. E tatau i fanau aoga ona faafesootai le taitai o le polokalame pe afai ua latou mauaina se faafitauli. E le faatagaina le sailiili e le tamaitiiti aoga o le faafitauli, aua e ono masalomia ai o se taumafaiga e soli se tulafono le taumafai e faaaoga polokalame le talafeagai.
  3. E tatau i fanau aoga ona aloese mai le faasalalau o vairase faalekomepiuta e ala i le mulimuli i faatonuga o le puipuiga mai vairase a le Itumalo.

xii. Polokalame Puipuia ma Faamaumauga e le Faalauteleina.

O faamaumauga o fanau aoga ma le aufaigaluega o loo i luga o le polokalame, e le faalauteleina. E soo se isi e faaaogaina nei faamaumauga, e ioe na te le faalauteleina, ma e faaaogaina nao mafuaaga talafeagai. E puipuia ma puea e tulafono a le Matagaluega, aiaiga a le Itumalo ma vaega tatau faalemalo, setete ma tulafono a le lotoifale le faaaogaina o faamaumauga o fanau aoga ma tagata faigaluega

xiii. Vaega Faatulagaina o Fesootaiga Tumaoti ma le Saogalemu.

1. O le a usitaia e fanau aoga vaega faatulagaina o fesootaiga tumaoti ma le saogalemu nei, pe a faaaoga polokalame komepiuta a le Itumalo, e aofia ai imeli, potu talanoa ma isi auala of fesootaiga tuusao ma le initaneti.

  • E matua faasaina ona faailoa atu, faaaoga pe faalauiloa se faamaumauga o se tamaitiiti laitiiti e aunoa ma se faatanaga tusitusia mai le matua poo le o loo tausia le tamaitiiti. O faamaumauga patino e aofia ai le igoa o le tamaitiiti aoga ma isi faamatalaga e ono iloa ai e se tagata le nofoaga o loo iai le tamaitiiti aoga, e aofia ai le igoa o lona matua, tuatusi o lona aiga, tuatusi o le galuega a le matua poo le numera o le telefoni.
  • E le faatagaina ona malie le tamaitiiti aoga e feiloai ma se isi na fesootai i luga o ala o fesootaiga e aunoa ma le faatanaga mai ona matua poo le auai ai o le matua i lea feiloaiga.
  • E tatau i le fanau aoga ona vave faailoa atu i lona faiaoga poo se tagata faigaluega o le aoga, se feau lafo mai na te maua, e le talafeagai ma na te le maua ai se lagona lelei.
  • E le tatau ona tapeina e le tamaitiiti aoga se feau lafoina mai e le talafeagai, se ia faatonuina e se isi o le aufaigaluega.

xix. Pulega o Puletaofia

  1. E ono faapipii atu e le aufaigaluega a le Itumalo, galuega sa fausia e le aufaigaluega i luga o le upega tafailagi aua le faaaogaina e fanau aoga ma/poo le aufaigaluega. E tatau ona faailoa lelei e le Pulega a le Itumalo le tagata e ana le galuega ina ia maoti ma manino. O le faia o lea vaega, o le a mafai ai e le faiaoga e ana le galuega, ona maua lona laisene ma faatagaina ai isi tagata o le aufaigaluega poo le fanau aoga i totonu o le Itumalo, e faaaoga nei galuega ua faapipii i luga o le upega tafailagi.
  2. O le a saunia e le Itumalo aia tatau ma tiute tauave o le aufaigaluega ma fanau aoga, e faatatau lea i aia tatau o puletaofi o isi.
  3. E le tatau ona faalauiloa atu soo se galuega e ala atu i polokalame faalekomepiuta a le Itumalo poo le faapipii i luga o le upega tafailagi a le Itumalo, vagana ai galuega a le tagata lava ia, e faaaogaina i se auala lautele, o gatasi ma tulafono talafeagai o puletaofia, poo le faalauiloaina pe faapipii ma le faatanaga o le puetaofia mai le tagata e ana le galuega.

xx. Faatanaga o le Puletaofi

O tulafono a le Itumalo ma ona aiaiga ua faataatitia e faatatau i puletaofi, e pulea ai le faaaogaina o faamatalaga e ala atu i polokalame faalekomepiuta a le Itumalo ma le Initaneti. E tatau ona iai i le Taitai Sinia o Tekonolosi se tusi faaamaonia mai le tagata e ana le galuega, e toe faaaoga ai upu poo ata i luga o le initaneti, faatasi ai ma le faatanaga o le puletaofi tusitusia. E faaaopoopo atu ai ma le tatau ona iai se faasilasilaga e amanaia aloaiga ai le tagata e ana le galuega, faatasi ai ma le aso pe na faafefea foi ona maua le faatanaga e faaaoga ai, poo se faamaoniga lolomiina e faamaumau ai le tulaga o le auala lautele na maua ai le galuega

xxi. Faaaoga Mamao

O le faaaogaina saogalemu o polokalame faalekomepiuta a le Itumalo i isi nofoaga e ese mai aoga ma ofisa a le itumalo, o loo avanoa e ala atu i laina o fesootaiga ua faamaonia e le Itumalo, ma e mafai ona faatagaina e le Taitai Sinia o Tekonolosi. Soo se modem e fesootai ma se komepiuta a le Itumalo, e tatau ona faamaonia e le Taitai Sinia o Tekonolosi poo lana tagata mamanu. O loo avanoa faamatalaga lautele a le Itumalo i luga o le initaneti. E faaaogaina tulafono ma faatonuga uma a le Itumalo i ana polokalame faakomepiuta uma, i ona laufanua poo fafo atu foi

xxii. Tusi Faamaonia

E le faia e le Itumalo se tusi faamaonia o soo se ituaiga, tuugutu pe faafoliga, mo ana polokalame faalekomepiuta ma auaunaga uma o loo ofo atu. E le pa’u le matafaioi i le Itumalo i soo se faaleagaina e faia e soo e isi e faaaogaina. E aofia ai le leiloloa o ni faamaumauga, tupu ai le tuai, leai se tilivaina, poo le faalavelave mafua i le faatamala o Itumalo poo le sese o le tagata faaaoga poo ua aveesea. E tetee e le Itumalo soo se ituaiga tiute tauave o se sao poo se lelei o se faamatalaga e maua i ana auaunaga. E tatau i tagata e faaaogaina ona fuafua lelei punaoa o soo se faamatalaga latou te mauaina

xxiii. Tapulaa o Faalavelave

Mo fanau aoga, o le faaaogaina o komepiuta o se vaega e manaomia e le Itumalo, mo polokalame faaleaoaoga. E le tuuaia le Itumalo i soo se tulaga e le mafai ai ona faaaoga e le tamaitiiti poo le aufaigaluega foi o se komepiuta, polokalame faalekomepiuta, poo le auaunaga faaleinitaneti. O soo se polokalame faalekomepiuta, e iai faalavelave e ono leiloloa ai faamaumauga, iai se faaletonu i auaunaga ma le le faalagolagoina o faamatalaga. E le faia e le Itumalo ni tusi faamaonia mo nei auaunaga faalekomepiuta poo faamaumauga, ma e le tuuaia foi i ni tulaga faaleagaina poo le leiloloa o ni galuega i luga o komepiuta a le Itumalo. E le tuuaiga le Itumalo ini tulaga tau tupe poo nisi matafaioi e ono tulai mai, ona o le faaaoga le talafeagai o komepiuta, polokalame faalekomepiuta ma le initaneti a le Itumalo

E tatala e le initaneti se lalolagi o faamaumauga agagata mo fanau aoga. Ae peitai, e iai nisi faamaumauga i luga o le initaneti e ono le talafeagai ma aafia le lelei ai tagata talavou. E fautuaina matua ma e tausia fanau, e leai se auala e mafai ai ona faavasega ai e le Itumalo faamaumauga o loo i luga o le initaneti ma e laitiiti lava lona mafai, e faaavasega ai le faaaogaina o nei faamaumauga le talafeagai. E faamalosiau atu i matua/tausi fanau e talatalanoaina o latou faamoemoega mo le gaioiga talafeagai i luga o le initaneti ma a latou fanau.

Ua faapipiiina e le Itumalo Auala mo le Puipuiga o le Initaneti (e pei o polokalame faamama pe poloka) e faaitiitia ai le faaaogaina o tulaga mataga, ponokalafi pe aafia le lelei ai fanau laiti, peitai, e ono le atoatoa le puipuia ai o fanau e nei polokalame, mai le mauaina o auala e maua ai faamatalaga le talafeagai. O soo se polokalame faamama pe poloka e faapipii ma toe aveese, o loo i le faautautaga a le Itumalo ma e faatapuina e le tulafono faalemalo ma e le tuua ai le tiute tauave o le tagata faaaogaina o le aua lea ona faaaogaina faamaumauga le talafeagai, poo le taumafai e sailia. E fautuaina matua/tausi fanau e uiga i le mafai ona faatau e fanau aoga ni oloa poo ni auaunaga e faaaoga ai polokalame komepiuta a le Itumalo, e tuuaia ai la matua/tausi fanau i lea tulaga. E le o se matafaioi a le Itumalo le faaaogaina e fanau o komepiuta ma ona polokalame, i auala e soli ai tulafono a le Itumalo

xxiv. Faamatuu atu Lau Tuatusi

Pe a oo i le taimi e tuua ai le Itumalo (sui aoga, faauu, isi), e tatau i fanau aoga uma ona faailoa atu i le tatai o le polokalame poo le Matagaluega o Tekonolosi ma Auaunaga o Faamatalaga i le numera (415) 241-6476, i se taimi vave lava

xxv. Aoaiga mo Solia o Tulafono ma Aiaiga a le Pulega.

  1. O le a galulue faatasi le Itumalo ma taitai o le lotifale, setete ma le malo i soo se suesuega e faatatau pe fesootai i se gaioiga solitulafono e faaaogaina ai polokalame Initaneti a le Itumalo.
  2. O le faaaoga le talafeagai, e aofia ai le solia o tulafono ma aiaiga e faasalaina i gaioiga aoai.
  3. A iai se tulaga poo se tagi e faatatau i se tamaitiiti aoga ua solia lea Aiaiga a le Pulega, o le faia se aoaiga o le tamaitiiti aoga i se auala e faataatia mai e tulafono ma aiaiga o fono aoai.

-----------------------------------------------

[Footnote 1]
O faaupuga nei o loo faauigaina e le CIPA ma Tulafono a le malo o Amerika: mataga, e pei ona faauigaina i le vaega 1460 o le Autu 18, Tulafono a le malo o Amerika.
Ponokalafi o Fanau, o le faaupuga ua faauigaina i le vaega 2256 o le autu 18, Tulafono a Amerika.
Faaoolima i Tamaiti Laiti. O le faaupuga “faaoolima i tamaiti laiti” e faatatau i soo se ata, ata na pueina, faila o loo iai ni ata le talafeagai poo se isi ituaiga vaaiga e:
  • Le faaaloalo i fanau laiti, faaalia le fiafia i tulaga telenoa, feusuaiga poo feau fai i le faleletaua;
  • Faaali, faamatala poo le faaataata i ni aua le talafeagai tulaga e tatau mo fanau laiti, poo tulaga moni e faaosofia ai aga feusuaiga, poo le faatinoina o aga faafeusuaiga, poo le faaaliali o itutino sa; ma
  • Faalauteleina, le lava tusitusiga, faatufugaga, faaupufai, poo le taua faalesaeanisi nai lo fanau laiti.
Aga Feusuaiga/Fesootaiga Faafeusuaiga. O le faauigaina o faaupuga “aga feusuaiga” ma le “fesootaiga faafeusuaiga” o loo mauaina i le vaega 2246 of le autu 18, Tulafono a Amerika.

This page was last updated on November 29, 2022