4.4.2 Mataupu Aoaoina o le Soifua Maloloina

Mataupu Aoaoina o le Soifua Maloloina

O le polokalame o le Soifua Maloloina o mataupu tatau ia ona ave e vasega taitasi a aoga a San Franciso. O le sini a le Aoga o Soifua Maloloina, ina ia faamalosia talatalanoaga e uiga i le soifua maloloina lelei o totonu o aiga ma aoao tomai e tatau ona iloa ma faaaogaina e talavou, e fesoasoani ai ia latou filifiliga tau soifua maloloina.

O lesona i totonu o potu aoga ma isi polokalame e faamalosia ai le: 1) Tiute tauave a le tagata lava ia mo lona lava soifua maloloina, 2) faaaloalo mo le soifua maloloina o isi, 3) malamalama i le gasologa ma le tuputupu ae o le tagata, ma le 4) faaaogaina tatau o faamatalaga ma punaoa tau soifua maloloina, o oloa ma isi auaunaga. O nei lesona e aoaoina i totonu o potu aoga poo luga foi o vasega faaleinitaneti, poo aoaoga vavamamao a le SFUSD.

O fanau aoga uma i le vasega 7-12, o le a maua le avanoa e maua ai le aoaoga o le soifua maloloina o feusuaiga ma le puipuia mai i le HIV i le sili atu ma le tasi se vasega i le aoga tulagalua, ma le tasi le vasega i le aoga maualuga. (Tulafono AB 239 o le Soifua Maloloina o Talavou a Kalefonia)

O le vaega o loo i lalo o le a faamatalatalaina ai mataupu ma autu e tatau mo tausaga o le fanau, ma polokalame e aoaoina atu i aoga maualalo, aoga tulagalua ma aoga maualuga. O loo avanoa lesona ma vaega uma e faaaoga e aoaoina ai le soifua maloloina o feusuaiga ma le puipuiga mai i le HIV/AIDS, mo asiasiga. Mafai ona e tagai ile silapasi o lo’o a’oa’oina i vasega uma ile https://sfusdhealtheducation.org. Maua le Aotelega ole silapasi ma isi punaoa e fa’atatau ile soifua maloloina ma ona polokalama uma pe’a e asiasi mai ile https://www.sfusd.edu/health-education

Suiina poo le Siitia mai le Aoga Faataitai 

Soifua Maloloina o le Tagata lava ia poo le Faalenuu: Ia iloa ma faatino uiga faavae o le tumama.

Tuputupu ma Atinae: Faaigoa ma faamatala ituaiga lagona e 5 (5 senses).

Aoga Maualalo

Silapasi: HealthSmart (ETR); Second Step (komiti mo fanau);  Planned Parenthood Puberty Lessons ( A’oa’oga mo Matua fou); tusi faitau e a’oa’oina ai mo le LGBTQ; Tusi ma Mea’aoga ua pasia e fa’aaogaina i aoga e a’oa’oina ai mataupu nei (tusitala eseese)

Tulafono: O fanau e mauaina le 20 o lesona o le soifua maloloina i vasega i le tausaga, pe maualalo ifo. O fautuaga nei e ono faataunuuina:

  • Soifua la le Tino ma le Mafaufau
  • Ala Puipuia ma le Saogalemu
  • Soifua Maloloina fa’alepitonuu 
  • Ava ma le Tapa’a ma isi Fualaau Fa’asaina
  • LGBTQ, Eseesega fa’aleAiga, ma Itupa
  • Tuputupua’e ma lona Atina’eina
  • Mea’ai Paleni ma Gaioiga Fa’amalositino

Mo tulafono taitasi, Tulafono vaega 51930-51939 a Aoga a Kalefonia, e le tatau ona tuu eseeseina le aoaoina o fanau aoga i mataupu tau soifua malolina ona o le eseese o itupa.

Aoga o Vasega Feoloolo (Vasega 6, vasega 7, vasega 8)

Ole mataupu a’oa’oina po’o le silapasi fa’alauaitele ole, soifua malolo o au, soifua malolo o tatou uma. atoaga ole fa’afeusuaiga (SFUSD 2017), Galuega Fa’atino a’oa’oina o mataupu e fa’atatau i fualaau fa’asaina (BEST Foundation, 2000); Stanford Tobacco Toolkit  Sitepu Lua.  a’oa’ooina o mataupu e fa’atatau i fa’alagona fa’alauaitele  (Committee for Children, 2017)

Tulafono: 30 Lesona mo vasega taitasi, i tausaga taitasi. E fautuaina le faataunuuina o:

  • 6 lesona e faatatau i le soifua maloloina o le mafaufau, lagona ma le fesootaiga ma isi
  • 6 lesona e uiga i le tuputupu ma le atinaeina o le tino
  • 6 lesona i le ava malosi, tapaa ma isi fualaau faasaina
  • 6 lesona i meaai e tausi ai le soifua maloloina ma gaioiga faaletino
  • 3 lesona i le saogalemu ma le puipuiga o manua
  • 2 lesona i le eseesega o aiga ma le malamalama i le LGBTQ
  • 1 lesona faatatau i nisi mataupu o le soifua maloloina o loo manaomia e fanau aoga.

Aoga Maualua

Autu Tatau mo Mataupu Aoaoina: Ia faamaoni. Ia sauni. Mataupu Atamai mo Feusuaiga (SFUSD/AHWG,2017); lesona filifilia mai le Soifua Maloloina Poto (ETR, 2017)

Tulafono: E 1 le vasega o le soifua maloloina e manaomia i se kuata(semester), e mafai ai ona faauu. E fautuaina le faaaogaina o vaega nei:

  • 15 lesona e faatatau i le faatauaina o oe lava, maloloina o le mafaufau/lagona ma tomai o fesootaiga faaletagata ma isi
  • 15 lesona i le olaga o le aiga, feusuaiga, puipuiga mai faamai pipisi ona a feusuaiga, puipuiga mai maitaga, fefaatauaiga o tagata soifua.
  • 15 lesona i le puipuiga mai le faaaogaina o vailaau ma fualaau faasaina, aofia ai ni puipuiga se 6 o le tapaa
  • 8 lesona i le puipuiga o sauaga
  • 2 lesona i eseesega o itupa 
  • 10 lesona i meaai maloloina ma le faamalosia o gaioiga faaletino
  • O lesona e 25 o totoe ai, ia faatatau i tulaga maloloina o loo manaomia ma talafeagai ma popolega o fanau aoga
  • e pei o le soifua maloloina o le tagata lava ia, maloloina o le tagata faatau, puipuiga o manua, faia ma le va ma tagata.

Punaoa mo le A’oa’oina ole Soifua maloloina i totonu ole Matagaluega

E iai fa’alapotopotoga eseese ua faipa’aga nei ma le matagaluega o aoga ua tuuavanoa iai le matagaluega ina ia fa’atinoina a latou a’oa’oga e fa’atatau ile soifua maloloina ma suiga ole tino, e fa’asaga lea i aoga tulaga lua, ogatotonu ma aoga maualuluga. Maua le lisi o fa’alapotopotoga ua fa’atagaina e le matagaluega i luga ole www.sfusd.edu. Mo fa’amatalaga fa’aopopo e fa’atatau ile  Support Services for LGBTQ Youth, Foster Youth Services, ma le  ExCEL After School Programs, asiasi mai i tuātusi nei.

Faasilasilaga mo Matua/Tausi Fanau e Faatatau i Lesona e uiga i le Fanauina o Fanau ma le Puipuiga mai le HIV.

E tusa ai ma tulafono taitasi a Aoga a Kalefonia, Tulafono 48980 ma le 51938, e tatau ona faailoaina atu i matua/tausi fanau (1) o le a iai ni vaega tusitusia poo ni ata e talafeagai mo le aoaoina o mataupu o le soifua maloloina i feusuaiga ma le puipuiga o le HIV/AIDS, o loo avanoa nei vaega mo lo latou silasila ma le suesueina, (2) pe o le a aoaoina nei mataupu e tagata o le itumalo poo nisi fesoasoani mai fafo atu, (3) e mafai e le matua/tausi fanau ona faatalosagaina se kopi o le Tulafono a Aoga, Vaega 51937 et seq, ma le (4) e mafai e le matua/tausi fanau ona tusia se talosaga e faailoa atu ai i le aoga ma le faiaoga, e le mafai ona aoaoina lona alo i lesona faatatau i le fanauina o fanau, poo le puipuiga mai le HIV/AIDS, e aunoa ma se faasalaga. E ausia e lenei tusitaulima lena tulaga tatau.

Afai e faaaoga e le itumalo fesoasoani mai fafo atu poo se malo e saunoa, e tatau ona saunia se faasilasilaga mo le matua/tausi fanau, i le 14 aso ae lei faataunuu lea faamoemoe, e aofia ai le (1) aso o le faatonuga; (2) igoa o le faalapotopotoga e o mai ai malo e saunoa; ma le (3) faamatalaga e uiga i le aia e faatalosaga ai se kopi o le Tulafono 51937 ma le 51934 a Aoga a Kalefonia.

Afai e te finagalo e ave ese lou alo mai se vaega o le mataupu o le fanauina o fanau i le polokalame a le soifua maloloina, faamolemole e tauaao mai le talosaga tusitusia i le faiaoga o lou alo poo le aoga o soifua maloloina.

O nisi faamatalaga e a faatatau i le polokalame o le soifua maloloina o lou alo, e mafai ona e maua e ala i le faafesootai o le faiaoga o le soifua maloloina o lou alo, ma/poo le pule aoga.

Mo fa'amatalaga i auala e maua ai pau puipuia, faitau ane le Polokalama ole Maua o Pau Puipuia ile mataupu 3.9.9

Autu Faalemasina a le Soifua Maloloina

Aokuso/Setema

Sili atu Faatasi: Fausia se Nuu Maloloina lelei

Oketopa  

Ia Saogalemu, Ia Atamai: Puipuiga mai le faaaogaina o Vailaau ma Fualaau Faasaina

Novema/Tesema

Avea ma le Uo & Tu atu mo le Filemu: Puipuiga mai Sauaga

Ianuari/Fepuari

Tino Tuputupu Ae & Maliliega Faifai Pea: Feusuaiga Mama ma le Va ma Isi Tagata

Mati 

Ia pei o Tatou Lava: Meaai Maloloina & Gaioiga Faaletino

Aperila

Saili lou Leo & Mulimuli i lou Loto: Loto Toa a le LGBTQ & Faufautua

Me

Tatala le Faitotoa, Ulufafo & Saili: Saogalemu o le Taumafanafana ma le Maloloina o le Siosiomaga

 

This page was last updated on December 7, 2022