Announcement Details
Announcement Message
Mo le tatou Pitonuu ile SFUSD:
A’o tatou tapena atu mo malologa ole Vaitau ole Toulu o Lau Laau ile vaiaso fou, o se taimi lelei lava lenei tatou te fa’afetaia ai ma fa’amausali lelei ai a tatou oloa tāua o lo’o fusia fa’atasi ai i tatou i totonu o a tatou pitonuu. Ua matou maitauina, le avea o fa’ai’uga mai faiga palota ma ala ua fete’ena’i ai fa’alagona a alo ma fanau a’oga, aiga, aemaise ai le aufaigaluega. Ona o se a’afiaga e totogo mai nei fa’ai’uga e iloga ona a’afia ai o tatou pitonuu ta’itasi, le ala lea e toe fa’amanatua atu ai e le Matagaluega o A’oga i San Francisco, la matou ta’utinoga ile puipuiga o aiā tatau a alo ma fanau a’oga uma ma a latou aiga, ma a tatou tagata faigaluega, aemaise ai i latou e ono a’afia mai nisi o suiga o lo’o foli mai nei, mai le faiga malo fou o lo’o ua tulai mai nei ile tofi ole pulega fa’afeterale.
E maua’a le talitonuga a le SFUSD ile matou sini autu, e tatau ona tofusia fanau uma ma se tulaga tau a’oa’oga, ma e ao ai ona fa’aaloalogia, fa’amamaluina ma fa’atāuaina aiga uma. Matou te fautuaina malosi aiga ina ia toe tagai ane ma toe iloilo a’e a outou aiā tatau o lo’o i totonu ole Tusi Fa’asinoala mo Fanau A’oga ma Aiga mai le SFUSD i inei review their rights.
E tusa ai ma tulafono fa’avae mai le matagluega, Board Policy 5145.10, o lo’o manino lava taiala e mafai ai ona puipuia le soifua manuia a alo ma fanau a’oga uma. Ole SFUSD, o se nofoaga e ofaga uma iai fanau a’oga ma aiga one e malu puipuia lelei ai, tusa lava po’o le a le tulaga o lo’o iai le avea o se sitiseni po’o tagata nofomau. Ole faiga pa’aga ma le galulue fa’atasi ai ole SFUSD ma le Laulauafono o A’oa’oga, fanau a’oga, aiga, aufaigaluega, pa’aga galulue, ma a tatou pitonuu uma, ma, ona ole tausisi ai i faiga fa’avae mai le pulega a le tatou a’ai, ole avea ai lea ole Nu’u o San Francisco o se nu’u e sulufa’i iai tagata po’o le City and County’s Sanctuary Ordinance, e fa’amausali atili ai, e iai le aiā tatau a le tamaititi e alu ai ile a’oga, tusa lava po’o le a le tulaga o lo’o iai a latou pepa nofomau/femalagaiga aemaise sui mai lona aiga. Fa’amolemole, tagai ane ile: Tulafono Pasia mai le Laulauafono po’o le: Board Resolution No. 74-24A2, “SF Board of Education Commitment to Education of All Immigrant Children and Opposition to Recent ICE Raids” Adopted April 24, 2007” ma le SF Resolution No. 171-10A1, “Undocumented, Unafraid and United Students” Adopted on May 23, 2017.
Ma o se fa’aopoopoga ai, ole aiaiga SFUSD Administrative Regulation 5145.4, ua fa’amautu mai ai, o alo ma fanau a’oga o itupa eseese ua latou filifilia ma ioe atoatoa iai, e iai lo latou aiā tatau e fa’alauiloa ai, ma ta’ua ai e tusa ma le suafa ua latou filifilia ona o se suiga fa’aletalitonuga ua avea ai ma itupa eseese e pei ona latou malilie ai. Fa’apena foi ona ausia le manatu, e iai le aiā o nei fanau e auai ai i totonu o fale ese, potu sui ai lavalava, ma isi lava vaega ole falea’oga e pei ona atagia mai ile itupa ua iai nei.
E leai, leai lava se nofoaga ole fa’ailoga tagata i totonu ole tatou pitonuu, ma o lo’o fa’apea ona iai ta’utinoga maoti ma aiaiga patino lava mai le matagaluega e fa’asāina ai ma tetee ai nei ituaiga amioga e fa’asino i a tatou fanau a’oga. Ole a fa’aauau pea lava ona fa’amamaluina e le SFUSD aiaiga ma faiga fa’avae e unaia ai le saogalemu o se si’osi’omaga mo le a’oa’oina o fanau, se si’osi’omaga e fa’atauaina ai, lagonaina ai ma malu puipuia ai fanau a’oga uma.
O lo’o tumau pea le agavatau a le SFUSD ile fausia o se si’osi’omaga e lagolagoina ai fanau a’oga, auai mai ai, ma se si’osi’omaga e fa’aosofia ai le naunautaiga mai fanau ina ia tupu olaola ma i’umanuia. Momoli atu le fa’afetai ile avea ai o oe o se tasi o sui i totonu o la tatou pitonuu ile SFUSD.
Fa’amanuia atu ile tatou pitonuu atoa a’o alo atu i malologa ole vaitau ole toulu o lau laau.
Ile ‘ava e tatau ai,
Dr. Maria Su, Fa’atonu Sili o A’oga
Peresitene ole Laulauafono o A’oa’oga Matt Alexander
Sui Peresitene ole Laulauafono o A’oa’oga President Lisa Weissman-Ward
Komesina Alida Fisher
Komesina Phil Kim
Komesina Mark Sanchez
Komesina Kevine Boggess
Komesina Jenny Lam
Komesina-Filifilia Jaime Huling
Komesina-Filifilia Parag Gupta
Komesina-Filifiila Supryia Ray
United Administrators of San Francisco
United Educators of San Francisco
SEIU Local 1021
IFPTE, Local 21